Përmbyset varka plot me emigrantë, ja numri i personave që rezultojnë të zhdukur

Të paktën 17 shtetas tunizianë janë raportuar të zhdukur, pasi varka e tyre me emigrantë u përmbys në brigjet veriore të vendit të Afrikës Veriore, tha një zyrtar lokal. Personat e zhdukur, duke përfshirë një fëmijë pesëvjeçar, ishin nisur javën e kaluar me një varkë peshkimi nga Bizerte, një qytet port mesdhetar në veri të vendit, tha për mediat lokale Houssem Eddine Jebabli, zëdhënësi i Gardës Kombëtare Tuniziane.

Advertisements

Operacionet e kërkim-shpëtimit për migrantët e parregullt janë duke vazhduar, tha Jebabli, duke shtuar se anëtarët e familjes thanë se anija e tyre u fundos pasi kaluan kufirin detar me Italinë.

Advertisements

Në vitin 2023, gjithsej 1,300 migrantë të parregullt tunizianë u raportuan të zhdukur, ndërsa më shumë se 17,000 migrantë të parregullt që tentonin të kalonin në Evropë përmes detit kishin arritur në kontinent, sipas një deklarate të lëshuar nga Forumi Tunizian për të Drejtat Ekonomike dhe Sociale.