Category: Lajme

Një ngjarje tragjike ka tronditur opinionin publik në Brazil, ku një djalë 7-vjeçar ka humbur jetën dhe dy persona të tjerë ndodhen në gjendje kritike, pas konsumimit të vezëve të Pashkëve që dyshohet se ishin helmuar nga ish-e dashura e partnerit të nënës së tij.

Jordélia Pereira Barbosa, 35 vjeç, është arrestuar nga autoritetet braziliane nën dyshimin se ka porositur dhe dërguar çokollata të helmuara drejt shtëpisë së Mirian Lirës – partnerja e re e ish-të dashurit të saj – si akt hakmarrjeje dhe xhelozie.

Sipas hetimeve paraprake, vezët e Pashkëve mbërritën të mërkurën në banesën e Mirian Lirës në qytetin Imperatriz, të shoqëruara me një kartolinë ku shkruhej: “Me dashuri, për Mirian Lirën. Gëzuar Pashkët.” Ato u dorëzuan nga një korrier me motoçikletë.

Vetëm pak pas konsumimit të çokollatës, djali i Lirës, Luis Fernando Rocha Silva, 7 vjeç, u sëmur rëndë dhe u dërgua me urgjencë në spital, ku fatkeqësisht ndërroi jetë në orët e para të së enjtes. Nëna 32-vjeçare dhe vajza e saj 13-vjeçare, Evelyn Fernanda, ndodhen në gjendje kritike, të intubuara në spital.

Mostrat e çokollatave janë dërguar për analizë mjeko-ligjore për të konfirmuar praninë e helmimit, ndërsa policia lokale është e bindur se Barbosa është autorja e këtij akti kriminal, shkruan “Daily Mail”.

E dyshuara u ndalua në një autobus që udhëtonte drejt Santa Inês, ku ajo jeton. Ajo ishte fshehur përkohësisht në një hotel në Imperatriz, 200 milje larg shtëpisë së saj. Hetuesit kanë gjetur fatura blerjesh dhe kanë siguruar pamje nga kamerat e sigurisë, ku Barbosa shihet teksa blen vezët e çokollatës në një dyqan, duke mbajtur një parukë të zezë dhe syze të errëta për të fshehur identitetin.

Në deklaratën e dhënë në stacionin e policisë në Santa Inês, Barbosa pranoi se kishte blerë çokollatat, por mohoi se kishte shtuar ndonjë substancë helmuese. Pavarësisht mohimeve, autoritetet janë të bindura për përfshirjen e saj.

Ngjarja ka shkaktuar zemërim dhe trishtim të thellë në komunitetin lokal, ndërsa autoritetet po vijojnë hetimet për të sqaruar plotësisht rrethanat dhe për të vënë përgjegjësit para drejtësisë.

Një 21-vjeçar me origjinë egjiptiane është vrarë me thikë gjatë natës në qytetin italian Abbiategrasso, pranë Milanos. Ngjarja tragjike ndodhi rreth orës 02:00 të mëngjesit të së shtunës, kur një banor i zonës, duke u kthyer në shtëpi, pa trupin e pajetë të të riut në një kompleksi banesash publike dhe thirri menjëherë për ndihmë.

Ai u gjet i plagosur rëndë në rrugën Bruno Fusè dhe ndërroi jetë pak më vonë në spital. Mjekët që mbërritën në vendngjarje konstatuan plagë të shumta me thikë në gjoks dhe krah, dhe viktima ndodhej pa ndjenja. Ai u transportua menjëherë në spital, ku fatkeqësisht pësoi arrest kardiak dhe ndërroi jetë, pavarësisht përpjekjeve të mjekëve për ta shpëtuar. I riu, banor i zonës, jetonte shumë afër vendit ku u gjet i plagosur. Sipas autoriteteve, vendngjarja nuk mbulohet nga kamera sigurie, çka e vështirëson rindërtimin e plotë të dinamikës së krimit.

Një tjetër ngjarje e dyshimtë ndodhi rreth 40 minuta pas gjetjes së trupit: një 56-vjeçar denoncoi në polici se ishte sulmuar dhe rrahur nga disa persona të panjohur në të njëjtën rrugë, të cilët sipas tij, kanë tentuar t’i grabisin makinën. Autoritetet po hetojnë nëse ky episod ka lidhje me vrasjen e të riut. Hetimet vazhdojnë intensivisht, ndërsa komuniteti lokal është tronditur nga dhuna dhe pasiguria në zemër të qytetit

Në tregun e këmbimit valutor shqiptar të ditës së sotme, një dollar do të blihet me 86.3 lekë dhe do shitet me 87.8 lekë.

Ndërkohë monedha evropiane euro do blihet me 98.4 lekë dhe do shitet me 99.2 lekë.

Franga zvicerane sot në tregun shqiptar do blihet me 105.2 lekë dhe do shitet me 106.2 lekë.

Ndërsa paundi britanik do blihet me 114.4 lekë dhe do shitet me 115.4 lekë.

Një aksident tragjik ka ndodhur në rrugën Kërçovë-Gostivar, ku 3 persona raportohet se kanë humbur jetën.

Nga aksident i rëndë në në fshatin Trapçindoll janë mbetur të plagosur edhe 8 persona.

Sipas informacioneve paraprake në aksident janë përfshirë 3 automjete, ndërsa të lënduarit disa janë transferuar në Spitalin e Kërçovës dhe disa në Spitalin Klinik “Nënë Tereza” në Shkup.

“Në ora 20:55 është raportuar një aksident trafiku në rrugën Kërçovë-Gostivar, në mes të Kërçovës dhe fshatit Trapçin Dol, në të cilin janë përfshirë tri vetura. Sipas informacioneve fillestare, nga lëndimet e marra kanë vdekur tre persona, ndërsa tetë persona janë lënduar dhe disa prej tyre janë transferuar në Spitalin e Kërçovës dhe disa në Spitalin Klinik “Nënë Tereza” në Shkup. Ndalohet qarkullimi në të dy drejtimet për të gjitha llojet e mjeteve”, thonë nga MPB për TV21.

Detaje të reja kanë dalë në dritë në lidhje me 11-vjeçarin e plagosur nga atentati që ndodhi mbrëmjen e djeshmenë Lundër, në zonën e Tiranës.

Sipas burimeve, mësohet Dior Demiraj është në gjendje stabël dhe do të dërgohet për mjekim dhe shërbim më cilësor jashtë vendit, në qytetin e Romës të Italisë.

Kujtojmë se ngjarja e rëndë ndodhi mbrëmjen e djeshme në Tiranë, ku persona të paidentifikuar deri tani kanë qëlluar me breshëri plumbash drejt një automjeti Mercedes Benz G Class, ku udhëtonin dy djemtë e familjes Demiraj, shoferi i tyre dhe një bashkëmoshatar.

Të plagosur kanë mbetur Dior Demiraj, 11 vjeç, po ashtu, nga breshëria e plumbave është plagosur dhe djali tjetër i familjes së madhe Demiraj, Marko Demiraj, shoferi i familjes Arenc Stafa, dhe bashkëmoshatari i adoleshentëve, Kian Mullaj.

Një ndër pistat që po hetohet është dhe ajo se autorët mund të kenë ngatërruar shënjestër. Megjithatë, ka deklarime se automjeti Mercedes Benz G Class është ndjekur në një distancë të gjatë nga autorët dhe këta të fundit kanë vazhduar të qëllojnë me breshëri përgjatë itinerarit, kur mjetet ishin në lëvizje