Author: editorshqiplajme

Taika Nelson, këngëtarja dhe motra e Prince, ka ndërruar jetë në moshën 64-vjeçare. Lajmin e trishtë e ka konfirmuar familja e saj dhe konkretisht djali i saj tha për The Star Tribune, se nëna e tij kishte ndërruar jetë, por pa bërë të ditur shkakun e vdekjes. Kushëriri i saj, Charles ‘Chaz’ Smith, shkroi gjithashtu në Facebook:

“Familja jonë është shumë e pikëlluar për të ndarë lajmin për humbjen e Taika Evene Nelson, e cila ndërroi jetë mëngjesin e sotëm”.

Taika ishte motra e Prince dhe vajza e John L. Nelson dhe Mattie Shaw Nelson. Në qershor, ajo u detyrua të anulonte koncertin e saj të fundit përpara se të tërhiqej përgjithmonë nga muzika për shkak të problemeve shëndetësore.

Karriera e saj përfshinte katër albume nga viti 1988 deri në 2011, duke përfshirë “Royal Blue” (1988) dhe “Hustler” (2011). Në një intervistë me Minnesota Star Tribune, Taika pranoi: “Unë kurrë nuk kam qenë këngëtare. Unë jam një shkrimtare. Më ndodh të këndoj dhe më pëlqen”.

Taika po përgatiste edhe një autobiografi, ndërsa daljen e saj të fundit publike e kishte në vitin 2018, në Australi, në një performancë kushtuar Princit. Në një intervistë të asaj kohe, ajo foli për ndikimin e thellë të vëllait të saj në muzikë. Kënga e saj ‘End Of The Road’, kushtuar prindërve dhe Princit, u regjistrua një vit pas vdekjes së tij në Paisley Park.

Një 37 vjeçar nga fshati Petrushë i Maliqit, është proceduar në gjendje të lirë pas një sherri për motive banale me një 34 vjeçar, të cilin e kishte punësuar në stallën e tij.

Motiv i sherrit ka qenë lidhja intime e bashkëshortes së 34 vjeçarit D.T me pronarin e stallës E.H. ndërkohë që nga hetimi dyshohet se 37 vjeçari ka patur qëllim prostituimin e gruas.

Sipas të dhënave, 25 vjeçarja A.T. , nënë e dy fëmijëve të mitur së bashku me bashkëshortin kishin shkuar të dy për të punuar në stallën e 37 vjeçarit.

Ajo kishte krijuar një lidhje jashtëmartesore me pronarin e stallës çka është bërë edhe shkak i konfliktit ndërkohë që 25 vjeçarja më herët kishte qenë viktimë e një trafikimi për prostitucion në shtetin grek.

Mësohet se e reja ishte prostituuar në Athinë nga dy kushërinj të pronarit të stallës për një periudhë 6 mujore. Pas kthimit në Shqipëri ajo ishte punësuar në stallën e kushëririt të dy tutorëve të saj së bashku me bashkëshortin. Nisur nga ky fakt, dhe marrjen në pyetje të nënës së dy fëmijëve, bashkëshortit të saj dhe pronarit të stallës, dyshohet se lidhja jashtë martesore kishte për qëllim prostituimin përsëri të saj.

Krahas procedimit për veprën penale të “dëmtimeve të tjera me dashje”, çështja i ka kaluar për hetime të mëtejshme seksionit të trafiqeve në Dvp Korçë për zbardhjen e plotë të rastit.

Të paktën 17 fëmijë kanë humbur jetën në një zjarr në një shkollë islame në Nigerinë veriore.

Burimet thanë se disa studentë të tjerë u plagosën dhe u dërguan me urgjencë në qendrat shëndetësore në qytetin Kauran Namoda, në shtetin Zamfara.

Zjarri besohet se ka filluar në një shtëpi aty pranë dhe është përhapur në konviktin e shkollës ndërsa fëmijët, që besohet të jenë adoleshentë, po flinin.

Autoritetet lokale dhe ekipet e shpëtimit shkuan në vendngjarje, por flakën ishin përhapur me shpejtësi

Mbrëmjen e djeshme, një helikopter u rrëzua në fshatin Castel Guelfo, në provincën e Parmës. Në bord ndodheshin tre persona, të cilët humbën jetën në aksident.

Mes viktimave është 41-vjeçari Lorenzo Rovagnati, CEO i kompanisë e përpunimit të mishit tashmë shumë të famshëm si “Gran Biscotto”.

Rovanjati ishte dhe një nga trashëgimtarët dhe themeluesit e kompanisë “Paolo”.

Helikopteri u rrëzua brenda pronës së tij në kështjellën “Castelguelfo”, në komunën Noceto. Kështjella i përket familjes Rovanjati. Agjencia Kombëtare për Sigurinë e Fluturimeve ka hapur një hetim për aksidentin.

Në bordin e helikopterit (një A-109), përveç pasagjerit nga familja Rovagnati, kishte edhe dy pilotë, ekuipazhi minimal për fluturimet e natës. Duket se helikopteri po ngrihej dhe ndoshta, pas një prove që nuk po shkonte siç duhej, po përpiqej të kthehej në tokë.

Prokuroria urdhëroi sekuestrimin e kutisë së zezë të helikopterit dhe planet e fluturimit. Ndër shkaqet e aksidentit që po shqyrtohen nga hetuesit, llogaritet edhe gabimi i pilotit i shkaktuar nga shikueshmëria e dobët për shkak të një mjegulle të dendur në zonë, por nuk është përjashtuar ndër të tjera një dështim mekanik i helikës së bishtit.

Shpejtësia me të cilën helikopteri u rrëzua në tokë nuk la asnjë mundësi shpëtimi për tre personat në bord, të cilët vdiqën menjëherë. Zjarrfikësit ndërhynë për të ofruar ndihmë, por ishte shumë vonë për të evituar tragjedinë.

Dyshimi se burri kishte një lidhje jashtëmartesore, bëri që bashkëshortja e tij të ndërmarrë një veprim ekstrem.

Ajo i preu burrit organin gjenital, dhe ia hodhi në tualet.

Ngjarja shokuese ka ndodhur në një familje, në Indinë veriore, ku Azad Singh u dërgua në gjendje të rëndë në spital.

Policia thotë se Sukhwant Kaur ka pritur derisa burri i saj të flinte, ku pasi e goditi me një shufër hekuri dhe e la pa ndjenja, i preu me thikë organin gjenital.

Burri ndodhet në gjendje të rëndë në spital, për shkak të gjakderdhjes së shumtë që pësoi.

Detektivi privat është një profesion i lirë që ushtrohet që nga viti 2015 në Shqipëri. Në këtë vit u licencua për herë të parë nga shteti, Instituti i Detektivit Privat, i vetmi që formon dhe licencon investigues.

Deri më tani numërohen rreth 40 “Sherlok Holmes shqiptarë”.

Detektivi privat lindi si profesion për herë të parë në Francë në vitin 1833. Me ndryshimet e para një viti në Shqipëri në Kodin e Procedurës Penale dhe Civile u jepet e drejta palëve të paraqesin në gjyq prova të mbledhura edhe nga detektivë privatë.

Një investigues heton që nga tradhtia bashkëshortore e deri tek mashtrime financiare, vjedhje teknologjie, aksidente rrugore, vrasje të pazbuluara, zhdukje të personave e të tjerë.

Më poshtë do të lexoni historinë e një 28-vjeçareje nga Tirana që punësoi një detektiv privat për të provuar dyshimet e saj se partneri e tradhtonte.

Ajo kishte 6 vjet që bashkëjetonte me njeriun që donte. Lindën një fëmijë dhe fill pas kësaj gjërat ndryshuan.

“Tri vitet e fundit filloi ta mbante telefonin në xhep, nuk e lëshonte kurrë nga dora. Nisi të punonte më gjatë. Vinte në 12, apo 2 të natës, ndërkohë që në mëngjes duhet të ikte në punë dhe prap rrinte deri në 5 të mëngjesit në internet. U çova natën të kontrolloja telefonin dhe shoh biseda me persona të panjohur dhe me profile fals. Kur u kthye nga puna e ballafaqova dhe nuk i pranoi. Mohonte çdo gjë. E mendoja një person të pastër, nuk e mendoja që të arrinte në këtë pikë që të fliste kaq banalitete, kaq perversitete në ato biseda. Një imagjinatë e shfrenuar”, rrëfen 28-vjeçarja

Prindërit e bashkëjetuesit jo vetëm që nuk e besonin, por e quanin të çmendur 28-vjeçaren.

“Më gënjente aq shumë, saqë edhe unë vete nisja të besoja ndonjëherë që e kisha gabim. Vjehrri, vjehrra më akuzonin që isha çmendur dhe se do të më merrnin vajzën. Ky ishte kulmi i të gjithave dhe nuk më interesonte më. Më interesonte vetëm vajza”, kujton ajo.

Ishte e vendosur t’u provonte të gjithëve që kishte të drejtë, ndaj nisi kërkimet për një detektiv privat.

“Kontaktova në internet me një nga detektivët privatë. Nuk ishin vetëm detektivë, por ishin edhe psikologë të mirë. Lidha një kontratë shërbimi me detektivin privat. Ata mendonin që 14 ditë ishte një kohë e mjaftueshme për ta parë se ku shkon, me kë shoqërohet dhe çfarë bën. Isha e gatshme që të bëja gjithçka për të zbuluar të vërtetën. E kishin kapur në momente kompromentuese, duke u puthur dhe duke u përkëdhelur në zona intime në një ambient publik”, shton 28-vjeçarja

Si u ndje kur pa fotot e tradhtisë?

“U ndjeva e lehtësuar sepse doli e vërteta dhe unë isha në rregull. E dija se çfarë më priste. Isha e parapërgatitur për tradhtinë. Vjehrri u trondit më shumë. Më kërkoi falje dhe prej atij momenti, thjesht i kam thënë që të largohet nga jeta ime dhe nuk dua t’i shoh më. Vajzën nuk ua kam ndaluar që ta shohin, mund ta shohin sa herë të duan, por gjithmonë në praninë time”, thotë ajo.

Po kur ballafaqoi ish-bashkëjetuesin e saj me këto foto?

“Thjesht po kërkon të ndahesh më tha. Deshe të ndahesh nga unë! Ja arrite qëllimit – më tha dhe u largua. Prap mua më ngeli faji, por asgjë nuk krahasohet me çlirimin që kam brenda. Nuk krahasohet as pagesa. Jam e lehtësuar totalisht që nuk e kam më pranë vetes”, shton ajo.

A ja ka rekomanduar njeriu tjetër shërbimin e detektivit privat?

“Po ja kam rekomanduar para dy javësh një shoqes time që kishte probleme me tradhti bashkëshortore, akoma më keq se unë, sepse dhunohej sistematikisht nga i shoqi”, tregon 28-vjeçarja

Një nënë habitej se si foshnja e saj tetëmuajshe gjithmonë qante sa herë që e takonte dadon, dhe kështu vendosi kamera të fshehta brenda apartamentit, por mbeti e shtangur kur pa se çfarë i bënte dadoja foshnjës.

Kamerat e fshehta kanë filmuar momentin kur djali i saj vazhdimisht goditet në fytyrë nga dadoja, e cila madje në një moment e kap për krahu dhe e përplas për tokë, transmeton Telegrafi.

Dadoja e identifikuar si Anastasia Zhelyabova, 31-vjeçe, tani po ballafaqohet me drejtësinë dhe nëse shpallet fajtore mund të përfundojë për 10 vite prapa grilave.

Nëna e djalit të vogël Elena Levendeeva, 26-vjeçe, kishte vërejtur se biri i saj fillonte të qante sa herë e takonte dadon, e cila për dy javë u përkujdes për të.

Kështu vendosi që tinëzisht t’i instalojë kamerat në apartament, dhe kur pa filmimet mbeti e shokuar me sjelljet e dados që godiste pamëshirshëm foshnjën e saj.

Sipas mediave ruse, dadoja ishte nervozuar me foshnjën pasi kishte refuzuar ta pi qumështin nga shishja.

Në tregun e këmbimit valutor shqiptar sot një dollar do blihet me 94.4 lekë dhe do shitet me 95.6 lekë.

Ndërkohë monedha evropiane euro do blihet me 98.4 lekë dhe do shitet me 99.3 lekë.

Franga zvicerane sot në tregun shqiptar do blihet me 104.3 lekë dhe do shitet me 105.5 lekë.

Ndërsa paundi britanik do blihet me 118 lekë dhe do shitet me 119.3 lekë.