Një ngjarje e rëndë, ka ndodhur në Florida të Shteteve të Bashkuara të Amerikës, ku një 52-vjeçar pas një debati me djalin e tij 22-vjeç, e ka qëlluar këtë të fundit për vdekje.
Një kamera sigurie, ka regjistruar momentin kur burri merr në telefon gruan dhe i jep lajmin e rëndë.
“Ai nuk merr frymë. Ai ka vdekur”, dëgjohet 52-vjeçari duke i thënë gruas së tij, disa momente pasi qëlloi për vdekje të riun më 3 nëntor.
Përplasjet mes tyre kishin nisur gjatë rrugës, për t’u agravuar më pas në shtëpi.
Në një moment, babai shihet duke u përkulur në tokë dhe duke mbuluar fytyrën me dorë.
Pas telefonatës me gruan, ai merr lajmëron edhe autoritetet, ku iu tregon se ka vrarë djalin e tij.
Kur oficerët arritën në shtëpi, ata gjetën 22-vjeçarin, një student i Universitetit Ndërkombëtar të Floridës, në një pellg gj*ku në dysheme dhe konfirmuan se ai kishte vdekur.
I riu kishte ardhur nga Universiteti për të festuar ditëlindjen me familjen.
Babai u arrestua dhe u paraqit në gjykatë më 27 nëntor, ku u deklarua i pafajshëm për akuzën e vrasjes së shkallës së dytë.
