Atentati ndaj ish-prokurorit Arjan Ndoja, kush është personazhi i njohur i botës së krimit që do të paguante 300 mijë euro për të fshirë shenjat e ADN-së së Redjan Rrajës nga makina e autorëve

300 mijë euro do të paguheshin në laboratorin e Policisë Shkencore për të shkatërruar ADN-në e Redjan Rrajës, i cili akuzohet si një nga ekzekutorët e atentatit ndaj ish prokurorit Arjan Ndoja ku mbeti i vdekur shoferi i tij, Andi Maloku. Ky fakt u bë i ditur nga vetë SPAK gjatë leximit të konkluzioneve përfundimtare para gjykatës.

Plarent Dervishaj është personi i cili do të bënte pagesën prej 300 mijë eurosh.

Sipas SPAK, kjo gjë do të bëhej për ti lehtësuar Rrajës pozitën në gjykatë. Ndërsa prokurorët kanë zbuluar se kjo bisedë për shkatërrimin e ADN-së së Rrajës është bërë në komunikimet që ka pasur grupi kriminal në aplikacionin ‘SKY’.

Shenjat e gishtërinjve të Redjan Rrajës u gjetën në një palë syze të cilat ndodheshin në makinën e autorëve.

Ditën e djeshme u kërkuar burgim i përjetshëm për Redjan Rrajën me akuzën se ka qenë një nga ekzekutorët e atentatit ndaj ish prokurorit Arjan Ndoja ku mbeti i vrarë shoferi i tij Andi Maloku dhe u plagos Landi Muharremi.