Të paktën pesë persona u plagosën dhe një grua u vra aksidentalisht, pasi persona të armatosur hapën zjarr në lokalin e Fatjon Muratit në “Don Bosko”.
Thuhet se në të këtë atentat të mirë-organizuar kanë marrë pjesë mbi dy persona, dy prej të cilëve kanë pasur rolin e atentatorit dhe një prej tyre rolin e vëzhguesit.
Advertisements
“Detaje të reja janë zbardhur nga masakra e ndodhur në Tiranë. Makina e gjetur është djegur totalisht dhe ndodhet në një cep të një kryqëzimi që të çon në Likmetë dhe të nxjerr në autostradën Fushë Krujë-Milot.
Durrës/Informacion paraprak
Advertisements
Rreth orës 08:00, në vendin e quajtur “Ura e Sulë Meres”, në territorin e fshatit Likmetaj, shërbimet e Policisë të Stacionit të Policisë Manzë, duke ushtruar kontroll në territor, për kapjen e autorëve të ngjarjes së ndodhur mbrëmjen e djeshme, në rrugën “Ananstas Shundi”, Don Bosko, Tiranë, kanë konstatuar të djegur plotësisht, një automjet tip “BMW”, brenda të cilit janë gjetur 3 armë zjarri automatike.
Nga hetimet paraprake dyshohet se ky automjet është përdorur për kryerjen e ngjarjes së mbrëmshme, në rrugën “Ananstas Shundi”, Don Bosko, Tiranë.
Grupi i posaçëm hetimor i ngritur në Drejtorinë Vendore të Policisë Tiranë, me qëllim zbardhjen e kësaj ngjarjeje, identifikimin dhe kapjen e autorëve, vijon punën në bashkëpunim me specialistët e Institutit të Policisë Shkencore, për të dokumentuar lidhjen e automjetit të djegur, me ngjarjen e ndodhur mbrëmjen e djeshme, në Tiranë.
