Muhamet Rrumbullaku, drejtor i Përgjithshëm i Policisë së Shtetit, ka urdhëruar nisjen e një hetimi të thelluar disiplinor për efektivët që ndaluan gazetarin dhe ekipin e emisionit investigativ “Stop” dhe i kontrolluan pa mandat.
Ekipi i emisionit investigativ ishte duke ndjekur një rast në qytetin e Elbasanit dhe teksa ata prisnin në makinë para gjykatës, aty shkuan Forcat Operacionale dhe Shqiponjat, që nisën menjëherë kontrollin, edhe pse nuk kishin urdhër.
Advertisements
Dyshimet janë se personi dhe rasti që do të investigohej ishte dekonsipurar dhe efektivët, siç pretendon vetë emisioni “Stop”, mund e kryen kontrollin të ndikuar nga personi/at që ishin subjekt i investigimit.
Reagimi i drejtorit të Përgjithshëm të Policisë së Shtetit:
Advertisements
Të nderuar drejtues të emisionit “Stop”, Në lidhje me rastin e transmetuar mbrëmjen e djeshme, në emisionin investigativ “Stop”, mbi kontrollin e ushtruar nga shërbimet e Drejtorisë Vendore të Policisë Elbasan, në automjetin tip “Benz” që ishte i parkuar përpara ambienteve të Prokurorisë së Rrethit Gjyqësor Elbasan, brenda të cilit ndodheshin gazetarë të emisonit nvestigativ “Stop”, ju informojmë se:
Drejtori i Përgjithshëm i Policisë së Shtetit Drejtues Madhor Muhamet Rrumbullaku, sapo u njoh me rastin, ka urdhëruar menjëherë Drejtorinë e Standardeve Profesionale në Policinë e Shtetit, për të zhvilluar hetime të thelluara disiplinore, për veprimet që kanë kryer punonjësit e Policisë.
Advertisements
Drejtori i Përgjithshëm i Policisë së Shtetit siguron gazetarët e emisionit “Stop” dhe qytetarët, se hetimi do jetë transparent dhe i panashëm, pasi ligjshmëria dhe performanca e punonjësve të Policisë janë ndër prioritetet kryesore të punës së tij.
Duke ju falënderuar për bashkëpunimin e deritanishëm, Drejtoria e Përgjithshme e Policisë së Shtetit.
