Ervin Karamuço zbërthen makthet e “Qytet Studentit”: Tre policë janë vrarë dhe një e re është masakruar vite më parë, s’ka asnjë siguri

I ftuar në emisionin “Top Story”, eksperti i Kriminalistikës Ervin Karamuço tha se zona e “Qytet Studentit” nuk ka siguri pasi janë vrarë tre policë dhe nuk ka janë zbardhur akoma.

Advertisements

Karamuço: Të gjithë periudhën tonë dhe të kontakteve të vazhdueshme të studentëve ka pasur problematika në Qytet Studenti. Unë kam bërë thirrje që të denoncojnë në institucionet përkatëse se vetëm ta ndajnë me njëri-tjetrin nuk fitojnë asgjë. Në një qytet studenti dikur kanë qenë 3400 tani janë 3000 studentë dhe kemi 1 polic për 500 studentë. Duhet të ketë patrullim në orët e vona, ndriçim, ruajtja e godinave ku në godinat e vajzave hyjnë edhe djem të cilët paguajnë rojet për të kaluar natën me të dashurat.

Advertisements

Ne kemi edhe histori dhunë ku tre policë janë vrarë gjithsej në “Qytet Studenti”, kemi masakrimin e një studenteje në vitin 1999. Qyteti Studenti shikohet një qendër për hienat e natës, duhet analizuar mirë nga pikëpamja e sigurisë, më parë ka pasur një tra që nuk lejohej të hynte kushdo ndërsa tani nuk dimë kush kalon dhe për çfarë kalon.

Studentja: Arsyeja pse denoncimet nuk shkojnë në institucionet përkatëse janë mosbesimi që kanë edhe studentët në këto institucione. Unë duke qenë se kam jetuar shumë pak kur erdha për studime, kam qenë e pasigurt ku pas orës 10 kishte shumë pasiguri dhe mungesë ndriçimi dhe kjo që nuk ka ndryshuar të paktën nga viti 2019. E kanë lënë në harresë atë zonë pavarësisht protestave, ne na janë cilësuar disa raste tek faqja jonë dhe ne e kemi parë shumë të rëndësishme komunikimin tonë me anë të pamjes që u transmetua. Rasti I parë ishte vajza që është përndjekur nga një njeri që nuk jetonte në rezidencë, është përndjekur deri në godinën e saj dhe nuk ka pasur një veprim më tej, përndjekja ka zgjatur më mbi tre ditë nga një person në moshë mbi 30 vjeç.