9 persona janë plagosur nga aksidenti te Shallvaret në Tiranë. Policia bën me dije se së bashku me 8 pasagjerë në urban është i dëmtuar dhe drejtuesi i tij.
Po ashtu bëhet me dije se pas testit të alkoolit doli që drejtuesi i urbanit nuk ishte nën efektin pijeve alkoolike.
Advertisements
Njoftimi i Policisë:
Tiranë/Informacion shtesë Në vijim të informacionit paraprak të dhënë pak minuta më parë, ku rreth orës 11:35, në vendin e quajtur “Ura e Tajvanit”, një autobus i linjës së Unazës është përplasur me disa automjete, ju sqarojmë se: Si pasojë janë dëmtuar shtetasit: A. Xh., 63 vjeç, (drejtuesi i autobusit), M. S., 35 vjeçe; G. P., 27 vjeç dhe V. P., 27 vjeç; O. G., 52 vjeç dhe J. C., 31 vjeçe, D. N., 27 vjeç, K. A., dhe E. H., të cilët ndodhen nën kujdesin e mjekëve.
Advertisements
Pas testit të alkoolit, drejtuesi i autobusit nuk ka rezultuar nën efektin e pijeve alkoolike. Në vendngjarje ndodhen shërbimet e ambulancës dhe shërbimet e Policisë. Grupi hetimor po punon për zbardhjen e rrethanave të aksidentit.
